This Guy’s In Love With You – Torpe

Home » Post Item » This Guy’s In Love With You – Torpe

This Guy’s In Love With You – Torpe

January 27, 2009

Hindi muna ko magpapakaputa sa kaka-Ingles dahil masyadong sensitibo ang nais kong ipahayag ngayon. Sa tingin ko’y mas magiging natural ang labas ng himutok ko kapagka sinalita sa dayalektong nakagisnan, mas lumalabas ang tunay na nasasaloob, mas madrama ang bawat kataga.

Hayaan niyo muna kong magsenti-sentihan at isantabi muna ang mga malulutong na murang Kano at ang mga narsisistikong mga panulat ko. Ni hindi ko nga alam kung makakabalik pa ko sa identidad kong punumpuno ng pamimintas at pagpuna sa lipunang walang ginawa kundi palubhain pa lalo ang nakamamatay nang sakit ng kamangmangan at pagiging istupido. Wala ako sa mood ngayon para makipag-patintero sa mga hinayupak na lamang-loob ng lansangan sa parehong dahilan na wala rin akong kongkretong ideya kung papaano ko tatapusin ang blog post na ‘to. Ang bawat letra ay bunga lamang ng tuluy-tuloy na pagtipa ng mga daliring inuutusan ng nakaaangat kong utak na sa sobrang dami ng inilalabas na emosyon ay malimit na napapatid pa ang mga daliri sa hindi magkamayaw na pagsasatitik ng damdamin.

Malungkot ako. Mababaw lang siguro para sa iba pero mabigat pa rin para sakin. Malungkot ako dahil inlab ako ngayon. Malungkot ako dahil namemeligro na namang maging boplaks ang lahat-lahat para sa KANIYA, tulad ng kinahantungan ng unang date namin matapos ang mahabang panahon ng pag-iintay.

Walang kwentang date na puro palya ultimo pelikula. Unang una, banas na siya bago pa man kami pumasok ng sinehan sa kadahilang ang kasama naming chaperon (oo, may chaperon; ayaw NIYAng kami lang munang dalawa; malamang masyadong maaga para sa KANIYA) eh umeskapo na bago pa magsimula ang pelikula. Nadagdagan pa lalo ang asim sa muka NIYA dahil sa puke ng inang pelikulang walang ginawa kundi magpapansin sa run-on blurs at mga paulit-ulit na dialogue na mararanasan mo lang kapagka may sira at gasgas ang tape. Ano ang magagawa ko sa mga panahong ‘yon? Pinilit kong magpatawa, sinadya kong magpaka-Vhong Navarro dahil gusto kong maski papano eh mag-enjoy SIYA. Heck, ako ang nang-imbita. Natural lang na dapat may kahinatnang maganda para sa KANIYA ang pagpayag NIYAng sumamang lumabas sakin. Pero talaga sigurong wa epek ang pagiging funny man ko dahil puro pilit na ngiti lang ang pinakita NIYA. Kung meron mang hari ng sablay sa mga panahong yon, gusto kong isipin na ako lang ang prinsipe.

Ngayon hindi ko alam kung may pag-asa pa ko sa KANIYA maski na katiting, maski na kasingliit lang ng kakapiranggot na pototoy ng mga malilibog na Hapon. Papatusin ko na yon. Wag lang NIYAng sabihin ang mga katagang ayaw ko sanang marinig. Hindi ko na alam papano pa ko makakabawi, papano pa ko makakataktiks kung lahat na lang eh sumasalungat sakin, pati ata ang hinayupak na kapalaran. Hindi na epektibo ang pagtext at pagtawag sa Sun Cellular dahil hindi naman SIYA sumasagot. Ni ha ni ho, wala. Gusto kong isipin na dala lang yun ng sobrang pagod at pagka-busy sa work tulad ng sinabi NIYA sakin noon. Hindi rin ako makadalaw sa tinutuluyan NIYAng apartment dahil panay ang overtime NIYA, madalas umuuwi na SIYA ng mga bandang alas-diyes o alas-onse ng gabi. Sa mga ganung oras, pupwede sana kong tumawag. Pero nasabi na NIYA sakin minsan na sa mga ganung oras, dapla na SIYA sa kama, pagod na pagod sa maghapong trabaho.

Eh papano ang weekend? Ang weekend ay araw pa rin ng trabaho. Hindi ko alam kung gusto NIYAng yumaman agad (na kayang kaya ko namang gawin pag naging kami na…sana) pero oo, OT pa rin SIYA sa Sabado at Linggo. Ngayon, ang natitirang paraan na lang eh ang ihatid-sundo SIYA sa kaniyang pinagtatrabahuhan. Sunduin lang pala. Alas-sais ng umaga ang pasok ko at di ko kayang mag-aparisyon sa isa pang lugar nang sabay. Pero iniisip ko. Kapag ginawa ko to, iisipin naman NIYAng napakapresko ng pagmumuka ko para sunduin SIYA gayong hindi naman NIYA ko boypren. Mabuti sana kung regular na babae SIYA, ang kaso ibang klase kase SIYAng dilag – palaban sa buhay ngunit hindi maikakatwang kulob pa rin sa hulma ng mga babaeng pino kung kumilos at naisasabuhay ang tunay na kahulugan ng salitang Pilipina.

Hindi ko rin maintindihan ang sarili ko kung ba’t sa dinami-dami ng babaeng kahuhumalingan, sa KANIYA pa nalaglag ang boxer brip ko. Hindi naman sa pagmamayabang pero marami-rami rin ang nag-aabang sa akin. Oo, sa payat kong ito, nakatutuwang isipin na marami rin pala ang nagkakagusto sa ~~katas ko~~ akin. Siguro kasi cute ako. Hakhak! Wag ka nang kumontra. Post ko ‘to. Kaya nga mas lumalakas ang panata kong magpalaki ng katawan para mas makaakit pa ng mga tulad ni Eva Fonda. (Sa puntong ito, nais ko kayong i-update sa nakaraang post ko – napagdesisyunan ko nang bumili na lang ng sariling gamit at wag nang mag-gym. Mas may freedom ka sa pagwowork-out at maski na hubo’t hubad ka pang magbuhat ng dumbbell o di kaya’y mag-weights nang bumabalandra nang bonggang bongga ang tumbong mo eh walang mamamansin sa’yo.) Sila ang nag-aantay ng matamis kong “oo” pero heto ako, katulad nilang nag-aantay rin sa matamis na “oo” ng iba.

Tulad ng pamosong linya mula sa pelikula ng maangas na kapatid ni Bebe Gandanghari, na inilibing si Rustom Padilla nang sapilitan, “ayoko ‘tong nararamdaman ko.” Ayokong mainlab dahil madali akong maging gago kapag nainlab na ko. Kung ano ang kasalukuyang lebel ng pagkasinto-sinto ko, gawin mong to the nth power yun, ganun ako kapraning kapag naiinlab ako. Nakakaya kong gawin ang lahat at ang masaklap, ayaw ko man eh nagiging tulad ako ng mga tipikal na taong kinamumuhian ko, mga nilalang na iginuguhit ang buhay at kapalaran sa dikta ng lipunan at sa mga panuntunang ginawa rin lang ng kapwa nila tao para malimitihan ang kanilang pagkilos at pag-iisip. Ayokong mainlab dahil ayokong maging tulad nila, dahil alam kong sa bandang huli, ako rin lang ang masasaktan.

Pero ganun naman talaga. Nasabi ko na noon na kapag nagmahal ka ng isang tao, laging kalakip nun ang walang katiyakang sa bandang huli eh maaari kang masaktan. Gasgas na ang kasabihang kapag mahal mo ang isang tao, hayaan mo kung san siya mas magiging maligaya, malayo man siya sa’yo. Kung sakaling bumalik siya, iyo na siya. At kung sakali mang hindi, simula’t sapol eh hindi siya naging iyo. Ewan ko sa inyo pero para sakin, hindi mabenta ang kasabihang ‘to, para sakin katarantaduhan lamang at walang laman ang mga katagang tinuran.

Unang una, ipinapahiwatig na ang taong mahal mo ay isang bagay na dapat angkinin, isang panindang maaari mong bilhin ng kahit singkong duling. Kailanman, hindi naging ganun ang turing ko sa KANIYA. Masaya ako na naipapakita kong mahal ko SIYA at hindi ako humihingi ng kapalit, o sa mas masahol na pananalita, hindi ko pinagnasahan sa hinagap kong aangkinin ko siya. Kung meron akong ikinatutuwa sa mga pangyayaring eto sa buhay ko ngayon, yun yung bagay na nagkaroon ako ng pagkakataong magmahal at mahalin SIYA.

Hindi ko alam kung hanggang saan ‘to aabot. Tulad ng blog post na ‘to, wala akong palagay kung saan ‘to patungo. Sana nga parang mga canned good fairy tales na lang na ginagamit para bolahin ang mga bata. Sana nga maging kami at sa hinaharap ay maging kami nang panghabambuhay. Sana we will live happily ever after. Kapag nangyari yun, ako na yata ang pinakamagandang lalake sa mundo Kapag nangyari yun, magpapainom ako at iimbitahin ko kayong lahat – magsuka na ang gustong magsuka, magyakapan na ang gustong magyakapan, makipag-tutut na ang gustong makipag-tutut. Pero kung hindi man, matutuwa pa rin ako’t maski papano eh sinubukan kong mahalin NIYA ko.

Sa ngayon, hayaan niyo munang magpakasiraulo ako sa pagkainlab sa KANIYA. Sobrang inlab na nakakaya kong mag-taguan pung sa Dangwa (salamat kay Rai para sa mental sketch) na hindi ko pa napupuntahan sa tanang buhay ko kundi ko pinagtiyagaang ikutin ang kahabaan ng UST at magkandawala-wala sa mga hinayupak na kalye para maghanap ng yellow roses dahil kanina, nakita ko sa Internet na ang ibig sabihin pala ng yellow roses ay “Please love me too.” Todong pagkainlab na nakakaya kong magmukang tanga at magbitbit ng isang dosenang bulaklak na dinaig pa ang putang namumutiktik sa kolorete ang muka at pumuputok ang labi sa sobrang kapal ng lipstick.

Di bale na kung pagpawisan man ako ng gabalde at magmukang kagagaling lang sa ~~pagtitikol~~ pagligo habang inihahatid ang mga pulang rosas sa apartment nila. (Naging pula dahil ubos na raw ang dilaw na mga rosas; gusto kong magwala at sabihing gawan nila ng paraan, kung pwedeng kulayan ng yellow gawin nila, pero napag-isip-isip kong pwede nila kong isalvage anumang oras dahil hindi ako tagarun kaya’t nanahimik na lang ako.) Di bale na kung di miminsang biruin man akong sayang ang mga bulaklak dahil basted din lang ang kahihinatnan ko ayon sa mga tambay sa lugar nilang walang pangarap sa buhay kundi magpalaki ng titi at magpabigat ng mga betlogs, na wala namang maipapakain sa mga magiging asawa kundi mga titi nilang inutil. Di bale na ang lahat-lahat dahil ito ang tinatawag nilang pag-ibig at inaamin kong isa ako sa mga milyun-milyong taong naulol ng puke ng inang pag-ibig na ‘to.

Mahal ko SIYA eh; kebs kung magmuka ‘kong tanga!

Posted by ssdd at 8:35 pm | permalink

Previous Comments

binasa ko ito kahit mahaba. (i wet it though long. haha joke) oi sabi nga ng isa kong kaibigan, everything below madness is not love. hehe.

btw- ang ganda nya jakulero ha. kaya siguro nahihibang ka na. in fairness sa u, ang ganda ng adam’s apol mo sa pityur. pahipo nga. wahahaha.

Posted by tinay at January 27, 2009, 10:16 pm

this is madness! haha! parang spartan lang eh. hehehe. diyosa ang babaeng nakainlaban ko. at ako’y isang hamak na jakulero lang. pakshet! salamat sa pag-appreciate ng adam’s apol ko. yaan mo, pag nagkita tau, papatikim ko sau. lol!

Posted by ssdd at January 28, 2009, 5:56 am

naranasan ko na rin yang kalagayan mo ngayon parekoi….muntik na akong ma-rehab!.lol

Posted by alx at January 28, 2009, 7:12 am

baka naman katulad mo yung sa fita..naliligtaan mong makita ang mga signs niya..
in love ka nga..buti ka pa..buti rin ako..
di bale, parang inlove din naman siya sayo sa piktyur..hehehe..

Posted by vanvan at January 28, 2009, 7:41 pm

@alx: naku naku naku! wag naman sana kong matuluyan sa mandaluyong asylum. harhar! namiss kita. san ka ba nagsususuot? lol. salamat sa muling pagdaan parekoi.

Posted by ssdd at January 29, 2009, 5:50 am

@vanvan: hindi naman siguro ako ganun katanga para di makita ang obvious. hakhak! inlab ka rin? okei lang. at least babae ka. malamang, ikaw ang pinagkekerengkengan ng lalake. hehe. muka ba xang inlab sakin sa piktyur? sana ganun di nsa totoong buhay. haha!

Posted by ssdd at January 29, 2009, 5:52 am

ayan
naihinga mo na ito

tignan ko lang
kung ano ang magiging reaksiyon mo
isang taon
matapos ang entry na ito
hahahaha

kaya ayaw ko nagsusulat
ng tungkol sa pagibig
tsk tsk tsk

hindi kita masisisi
nagmahal ka lang e
pero siguraduhin mo
na hindi mo sisisihin
ang sarili mo
pagkatapos nito
:)

Posted by xG at January 29, 2009, 8:24 am

dear fren, itago mo ako sa pangalang lio.. hehehe. pakabait ka kc at kelangan mo ng maraming maraming patience..gudlak.

Posted by tna at January 29, 2009, 10:12 am

Lord knows I can’t speak (or write) Tagalog without sounding like Annabelle Rama, but let me just say how boring life would be without love. And this is sweet ha. I wish someone wrote me a love post!

Posted by iris at January 29, 2009, 6:16 pm

@xG: hindi ko alam kung ano ang kahahantungan nito. sisihin ko man o hindi ang sarili ko, ang mahalaga eh masasabi ko balang araw, minsan sa buhay ko, nabaliw ako sa isang babae dahil sa pag-ibig. lol!

Posted by ssdd at January 30, 2009, 5:37 am

@tina: dear fren, itago mo na lang ako sap angalang tna. matagal an kaya akong mabait. ung patience, uhm…mahirap yan. patience is a virtue. i’m not a virtuous man. salamat sa gudlak. i badly need it.

Posted by ssdd at January 30, 2009, 5:39 am

@miss iris: haha. i always thot that distinct bisaya enunciation is a hoax. y'know, just exaggerated and all. always believed you guys also speak tagalog fluently like everybody else. but then again, i'm always impressed by people down south for their perfect english. especially when they belt out videoke songs. now, that's one thing tagalog native speakers can't do. lol! indeed, life is boring without love. sweet ba? hahaha. thanks! you don't need to receive a love post miss iris. mr. young is always there with you. that's more than enuf, i think.

Posted by ssdd at January 30, 2009, 5:42 am

ang galing! ang sweet!

Posted by Myra at January 30, 2009, 8:25 am

astig na post!
totoong totoo.. ito yung mga post na dapat naghi-HIT sa mambabasa eh..

pang-arw ng mga puso na ba to?
taena.. bitin ako sa kwento mo ahhh… binasa ko hanggang sa kahulu-hulihang patak ng alpabeto pero di ko makuha kung inlab ka nga o natatakam lang sa isang sooooooper gandang Pilipina..

sigesige.. nakikiepal lang..
pasensya na..
pakialamero ako.
pero goodluck nalang!
hula makukuha mo sya sa LAKI.
laki nga adams apple mo..hehe

Posted by kosa at January 30, 2009, 8:33 am

@myra: salamat. alin ang sweet? ako? o yung asukal sa garapong nasa mesa mo?

Posted by ssdd at January 31, 2009, 7:41 pm

@kosa: salamat parekoi. muka ngang nag-hit na. kasi pangatlong most-read na xa sa history ng mga walang kakwenta-kwenta kong mga post. patikim pa lang yan. hindi pa eto ang aking pambalemtayms entry. bitin ka ba? madami na akong naisulat tungkol sa KANIYA sa blog na to. hanapin mo ang mga links. clue: nasa top posts din sila. at napagtiyagaan mo talaga ang haba ng titi ko, este ng post na to ha. natats naman ako. salamat ule sa pakikiepal. sana nga makuha ko sa LAKI. hehehe.

Posted by ssdd at January 31, 2009, 7:45 pm

may similarity kau in fairness..im pertaining sa mukha, thou tinakpan mo ung mukha mo (bkit? anung purpose? nahihiya ka?) e i know how u look like nman..sa mata mejo hawig and the way she smiles, parang ikaw …ang pag ibig nga nman! uuuy! it never X my mind that you will write something about being in-love..hehehe!

Posted by shee at February 1, 2009, 12:51 pm

ganyan talaga ang buhay pare, parang bato.. its hard. i’m going through a similar heartache myself. inum na lang tayo lolz.

Posted by binchee at February 1, 2009, 3:35 pm

ay drugs! lol

nauulol ka na dahil sa kanya..

hindi ako marunong manligaw eh mabulaklak kase ang dila ko at marunong akong mambola.. pabasa mo sa kanya tong entry mo baka mapasagot mo sya..

hindi kumukupas yung linya kong to

if i have to choose between breathing and loving you I would use my last breath to say i love you

wala pang akong hindi napapasagot na gamit yang linyang yan.. bwahahaha

Posted by FerBert at February 1, 2009, 7:01 pm

@binchee: ayan ka na naman bro sa mga profound life is like quotes mo eh. hehehehe. nabasa ko ung post mo. goodluck bro. sana, this time, ikaw na piliin niya. etong bote. kampay na!

Posted by ssdd at February 2, 2009, 8:23 pm

@ferbert: ayoko mang aminin pero mukang ganun na nga. kelangan ko nang magparehab. tsk tsk. hindi rin ako marunong manligaw. at oo, mabulaklak din ang dila ko. nyeta! hindi ko mapapasagot ang babae sa buhay ko kapag yan ginamit ko. lolz!

Posted by ssdd at February 2, 2009, 8:25 pm

shee: tumigil ka jan. ala kang biyulin na pasalubong sakin pag di mo ko tinigilan. bwahahaha! talaga? may similarity kami? talga naman oo. ibig sabihin we’re meant to be talaga. ahahaha! kapal ng muka ko. hindi ko pinapakita muka ko dahil dadami magiging stalker ko pag nagkataon. isa pang malutong na bwahahaha!

Posted by ssdd at February 2, 2009, 8:27 pm

haha!..ayus ang pangpatalsik-utong na banat ni mr FB..patok yan pag sinabayan mo ng tambling at split combo.

good luck!

napapa-tambling na rin ako sa kilig..lol!

Posted by ålx at February 2, 2009, 9:25 pm

tinging ko nga maghi-hit to ng todong todo pa..lols
sige good luck at aabanganko pa yung madami pang mga tungkol sa “kanya” hahaha
lols

Posted by kosa at February 3, 2009, 2:25 am

@alx: ahahaha! pakshet nga ‘tong si ferbert eh. akalain mong bigyan ako ng laglag-panting one-liner na hndi pa naman pala niya nasusubukan kung epektib. salamat sa good luck. kelangan kong magbaon nang marami. sabayin mo na rin ng kombo split ang kilig mo. lolz!

Posted by ssdd at February 3, 2009, 5:36 am

@kosa: hehehehe. malamang sa malamang nga. abangan ang susunod na kabanata broder. marami pang lab kronikels tungkol sa KANIYA sa pyutyur. lol!

Posted by ssdd at February 3, 2009, 5:37 am

pre.. naks nman hehehe.. tlgang inlababo ka sa gal na yan ah.. hari naway mapasagot mo ang batong puso niya..

pag di nman hyaan mo uwi k ng pangasinan at shshot ntin yang kabiguan mo..hehehee

nice artik pre…

Posted by fred thirst at February 5, 2009, 3:06 pm

@fred thirst: hehehe. inlababo with matching sukahan pa. lolz! salamat sa harinawa. baka etong katapusan, dalaw ako jan. magpakabangenge tau. sagot ko lahat. pati tsik mo. hakhak! lage namang nice artik ko pre. hahaha!

Posted by ssdd at February 6, 2009, 5:56 am

Jusko..sa kahaba habang post na to..akala ko aabot pa ako sa sulu para matapos to..buti nalang hanggang recto lang pala..ahahhaa…putang ina mo!

Bro…ganun talaga..minsan kailangan madapa…at bumangon para malaman mo na minsan ka naging tanga. indi naman sa lahat ng panahon marereciprocal ng mga babae ang pag ibig natin. pakita mo na kaw parin ang may titi at indi siya.

aabot ka din sa time na malilimutan mo ang puke niya, este ang mukha niya. You mightnever know, ang mga babae na nag iintay sayu ay siya din naman magpapatibok ng puso mo.give them a chance..ahhaha..

PS: kakarating ko lang ng Iloilo. ANg GF ko ay taga manila. Ngayun nasa Cebu ako at siya ay umuwi na din sa Manila. Sori kung nalito ka.

More PS: Mas magaling ka sa tagalog na posts. Keep it up. Nakakaaliw kahit mahaba. Indi boring. Screw it dude..screw it..ahhahaha

Posted by Maldito at February 6, 2009, 4:34 pm

@maldito: magrereklamo ka pa eh babasahin mo rin lang naman pala hanggang sa dulo. bat di mo gayahin si kakosa, binasa niya raw “hanggang sa kahuli-hulihang patak ng alpabeto.” lolz! taena. hindi lang ako tumitingin sa puke. siraulo ka talaga. pero pwede, pag hindi NIYA ko sinagot, papatulan ko na talaga ang mga nakapila para matikman ang titi, este…ang matamis kong OO. bwahahaha!

p.s. ah ok. naks! at papano kang nakabingwit ng chik sa kahabaan ng maynila? galing naman. nakakaya nio ang long distance relationship ekek?

more p.s. sabi nga rin nila. ewan ko. ampotah! ayokong magpakalango sa pananagalog at baka di ko na mabalikan ang pagka-fluent ko sa english. lolz!

isa pang makulet na ps. oo na. mas bata ka na sakin. eh mano naman, 2yrs lang. at hindi naman tayo nagkakalayo. pareho tayong poging baby-face. o ayan ha. wag ka nang umepal. dinamay na kita sa kabulastugan ko. bwahahaha!

Posted by ssdd at February 7, 2009, 5:32 pm

ayoko ng statment mo..dapat ako ang laman…indi dapar parehas..ahahahhaa…tangena!ahahhaa…alam mo naman…walang distance distance sakin…basta abot ng signal ko mag tago ka na..wahhaha…malambing kasi ang mga taga bulacan eh..kaya ayun…natali ako..joke..

hoy gago! nandyan ako sa march 21 at 22…tapos sa june diyan ko din cecelbrate bday ko…inuman tayu nina gasti at jeck!

Posted by Maldito at February 7, 2009, 8:49 pm

natuwa naman aq ng bongga sa post mo na 2.. sana may mainlab din sa ken..Ü napadaan lang po q.. sana may hantungan yang mga effort mo sa kanya. pag wala pede bang akin ka na lang…Ü

Posted by kuting at February 8, 2009, 2:49 pm

btw, pareho tau ng account…Ü

Posted by kuting at February 8, 2009, 2:53 pm

@maldito: maepal kang gago ka. wag ka nang magreklamo diyan at nakiki-comment ka lang. lolz! sino ang taga-bulacan? ikaw o ang princess fionah mo? inuman? saan? sagot mo? oo ba. sure ball. isa na lang akong hamak na cpa reviewee sa mga panahong yon kaya kelangang ikaw ang sumagot sa alak. lolz! pero hindi ko kilala sina gasti at jeck. sino sila, tulad mo ring siraulo? lolz!

Posted by ssdd at February 8, 2009, 9:01 pm

@kuting: isa lang masasabi ko…meow! weh. korni no? lolz! teka, kung kuting ka, ibig bang sabihin chinita ka? nakupo. hindi mo ba alam na adeek ako sa mga chinita? kaya kung ako sa’yo, be careful what you wish for. hehehe.

Posted by ssdd at February 8, 2009, 9:05 pm

@kuting: p.s. hindi nga? ows? baka naman ikaw na ung madalas kong nakakadaupang palad sa ating pakshet na elebeytor? sige, kung pareho talaga tau ng account, saan sa makati tayo nagkukuta? hehehe.

Posted by ssdd at February 8, 2009, 9:07 pm

hahahaha, sa mj plaza po kaya…Ü anung employee number mo???Ü ndi po aq chinita, kay ganda q naman kung ngyari un…Ü nakita q rin yung ni post mo na regularization ek ek..Ü nung una pa lang may hinala na q na magka account tau dahil sa spiel mo..Ü un pala mag ka office mate talaga tau ng bongga…

Posted by kuting at February 9, 2009, 5:26 am

@kuting: walastik! akalain mo un. magkakuta lang pala tayo. ssshh…wag kang maingay ha. baka sesantihin ako nang di oras sa pinagpapakaputahan natin. lolz! at wag magsumbong sa puke ng inang IT. na-aaccess ko pa ang blog website ko sa station natin. sana wag maisipang i-block. mga taenang kupal talaga. ang id number ko ay p247028**. ikaw? at papano ka naman napadaan sa kuta ko?

Posted by ssdd at February 9, 2009, 5:42 am

Self-esteem is a virtue,which is to make a person constantly upward a driving force.

Posted by louis vuitton outlet at December 4, 2010, 1:49 pm

This story is very useful. Really I like it. Thanks for sharing with us.*

Posted by Air Jordans at December 26, 2010, 9:30 am

Houses, lots of other good - let others see you, know that you exist and know that your ability to

Posted by replica louis vuitton at December 27, 2010, 3:36 pm

*People are always telling you what to do, but what’s right for them may not be right for you.

Posted by Replica Christian Louboutin Shoes at January 5, 2011, 8:35 am

Nice post Amazing, I found your site on Bing looking around for something completely unrelated and I really enjoyed your site. I will stop by again to read some more posts.

Posted by abercrombie uk at June 14, 2011, 1:24 pm

these are really great!

Posted by Coach Factory Store at June 25, 2011, 9:27 am

The scholars of social dynamics are often interested in non-equilibrium, or dynamic, behavior that is, behavior that changes over time.Thanks for sharing informative post.seattle bankruptcy lawyer

Posted by seattle bankruptcy lawyer at August 20, 2011, 3:08 pm

Cheap Belstaff
Cheap Belstaff jackets
Cheap Belstaff sale
Cheap Belstaff jackets
Cheap Belstaff sale
Belstaff Jackets Mens
Belstaff Jackets
Shop Belstaff for Men
Belstaff Jackets Store
Discount sale belstaff leather jackets
Belstaff Womens Jackets
Belstaff Leather Jackets
Ladies belstaff jackets for sale
buy Cheap Belstaff
belstaff jackets outlet
belstaff jackets sale
Belstaff Bags
Belstaff Boots
Belstaff Icon Jackets
Belstaff Jackets Mens
Belstaff Jackets Womens
Belstaff Kids
Belstaff Sunglasses
Belstaff T-Shirts Mens
Belstaff T-Shirts Womens